Sunday, June 16, 2013

Легенда NHL родам з Налібак






















З вялікім гонарам і радасцю прадстаўляю вашай увазе сусветнавядомага налібачаніна – першага ў гісторыі хакеіста НХЛ польскага паходжання Яна (Джона) Мішука. Яго першай роднай мовай была, натуральна, беларуская.

Янак прыйшоў на свет 29 верасня 1940 году на вуліцы Навагрудскай (сёння Ліпеньская).

У жніўні 1943-га Мішукоў, як і сотні іншых налібачан, вывезлі ў Нямеччыну. Адтуль, пасля вайны, яны перабраліся ў Канаду. Падлеткам пачаў граць за юнацкую каманду Hamilton Kitty. Свой першы сезон 1957-1958 граў за Hamilton Tiger Cubs. У 1961 Ян Мішук апрануў майку Edmonton Flyers (WHL). На працягу двух гадоў згуляў 124 матчы і забіў 14 шайб. У 1963 яго запрасіла да сябе каманда Detroit Red Wings – старэйшая і адна з найбольш тытулаваных каманд лігі NHL.

Наш зямляк калоціць нейкага хлапца з Чыкага.
Насутупнай прыгодай з NHL стала гульня за Philadelphia Flyers. Далей Chicago Blackhawks, Minnesota North Stars, Michigan Stags, Baltimore Blades, Calgary Cowboys.

Пасля сыходу на пенсію Ян Мішук заняўся бізнэсам – адчыніў гандлёвую сетку крам і паспяхова займаецца ёй да сённяшняга часу. Бярэ таксама ўдзел у жыцці польскай дыяспары ў Канадзе.

Выява Яна Мішука на паштовай марцы.
У Налібаках, літаральна праз плот ад маіх бацькоў, яшчэ сёння жыве траюрадны брат Яна Мішука Владэк. А ў Нью-Ёрку я пазнаёміўся з беларускамоўнымі сваякамі Мішука, якія ходзяць у Царкву Кірылы Тураўскага. Адзін з ягоных братоў жыве ў Варшаве. Напісаў кнігу пра нашу вёску і спрычыніўся да адбудовы налібацкага касцёлу.

Дзмітры Гурневіч.

No comments:

Post a Comment