Tuesday, July 9, 2013

Асілак з Налібак Мечыслаў Клімовіч

Мечыслаў Клімовіч. Англія, 1952 год.






















Мечыслаў Клімовіч – амерыканскі налібачанін, аўтар кнігі “Апошні дзень Налібак” („The Last Day of Naliboki”). Яго лёс падобны да гісторыі многіх выхадцаў з Налібак, якія назаўсёды пакінулі мястэчка. 


Ён нарадзіўся 15 ліпеня 1929 года ў Налібаках. Так як і іншыя хлопцы ў яго зросце, спачатку спазнаў парадкі бальшавікоў, а пазней нямецкую акупацыю.

У 1942 годзе праз Налібакі праязджаў нямецкі кавой. Савецкія і польскія партызаны напалі на нацыстаў і застрэлілі 22 эсэсаўцаў. У адказ немцы загадалі стварыць у вёсцы самаахову, задачай якой было ахоўваць Налібакі ад партызанаў. Кіраўніком самааховы быў Францішак Адамцавіч, а пазней дзядзька Мечыслава, Яўген Клімовіч.

Узнагарода пераможцы спаборніцтва.
Калі 8 траўня 1943 года саветы напалі на Налібакі, малога Мечыслава адзін з “партызанаў” ужо вёў яго на расстрэл. Мама і цётка кінуліся цалаваць бальшавіку боты і прасілі пакінуць падлетка жывым. Удалося, той адштурхнуў Мечыслава.

Праз некалькі месяцаў немцы спалілі Налібакі, а людзей забралі на прымусовыя працы ў Нямеччыну. Разам з сям’ёй Мечыслаў працаваў на нямецкай фабрыцы зброі.

10 траўня 1945 года амерыканцы вызвалілі “яго лагер прымусовай працы”. Пасля вайны Мечыслаў скончыў курсы ў Францыі і быў ахоўнікам нямецкіх ваенапалонных. Пасля вярнуўся ў Нямеччыну да сям’і. Адукацыю атрымаў у лагерах для перамешчаных асобаў. У 1948 годзе пераехаў у Англію, дзе ажаніўся з англічанкай. У іх нарадзілася трое дзяцей.


Спадар Мечыслаў з жонкай.
У Англіі Мечыслаў займаўся бодыбілдынгам і шмат разоў здабываў узнагароды ў спаборніцтвах па цяжкой атлетыцы. Займаўся сельскай гаспадаркай. У 1974 годзе разам з жонкай пераехаў у ЗША.

Пасля смерці жонкі ў 1999 годзе ажаніўся другі раз.



Станіслаў Карлік.

No comments:

Post a Comment