Налібацкі сацыяліст Фэлікс Галавач

У 1920-ых гадах у Налібацкай гміне жыў і працаваў Фэлікс Галавач, пасол у польскі Сейм, адзін са стваральнікаў Незалежнай сялянскай партыі.

Будучы беларускі палітычны і нацыянальны дзеяч нарадзіўся ў 1886 годзе ў вёсцы Забор’е сённяшнага Валожынскага раёна. Палітычную кар’еру ён пачынаў у Польскай сялянскай партыі “Вызваленне”, быў звязаны з апазіцыяй левага накірунку Незалежнай сялянскай партыяй і ў кастрычніку 1923 года ўдзельнічаў у Маскве ва ўстаноўчай канферэнцыі Сялянскага Інтэрнацыяналу. 

З 1922 па 1927 гг. Фэлікс Галавач быў дэпутатам польскага Сейма. У 1927 годзе быў арыштаваны ўладамі і перададзены суду “за ўдзел у змове супраць цэласнасці Рэчы Паспалітай”. З турмы яго вызвалілі без судовага прысуда.

«Злева направа: сядзяць, першы рад: 1. Язэп Мамонька, 2. Ігнат Дварчанін, 3. Лявон Дубейкаўскі, 4. ?, 5. Язэп Лёсік, 6. Язэп Варонка, 7. Язэп Дыла, 8. ?, 9. Кіпрыян Кандратовіч, 10. Сымон Рак-Міхайлоўскі, 11. Палута Бадунова, 12. Iван Краскоўскі, 13. В.Муха.
Стаяць, першы рад: 6. Ч.Бедулянка, 7. Антон Лявіцкі (Ядвігін Ш.), 8. Паўліна Мядзёлка, 16. Людвіка Сівіцкая (Зоська Верас), 17. Алесь Чарвякоў.
Стаіць у другім радзе чацвёрты злева Аляксандр Астрамовіч (Андрэй Зязюля). Усіх вышэй Фелікс Галавач».

Друкаваўся ў беларускай прэсе. У 1920-ых гадах быў супрацоўнікам рэдакцыі беларускамоўнай газеты “Вызваленьне народа“. Дзяяч Беларускай Сацыялістычнай Грамады.

Да пачатку ІІ сусветнай вайны Галавач быў войтам гміны Мір. У 1939 годзе яго арыштаваў НКВД і выслаў у Расею. Галавач працаваў ахоўнікам у Доме дзіцяці ў Джамбуле ў Казахстане, ад 1943 года быў чальцом Саюза польскіх патрыётаў.

У 1946 годзе пераехаў у Польшчу. Усё жыццё вёў уласную фермерскую гаспадаку, быў войтам мясцовасці Акмяны. Памёр ва Ўроцлаве ў 1972 годзе.