Налібачанін знайшоў шкло і кераміку на месцы гуты Радзівілаў

Ураджэнец Налібак Віктар Хмара працягвае знаходзіць шкляныя прадметы на месцы, дзе ў 18-19 стст. знаходзілася шкляная гута князёў Радзвілаў. Цяпер на тэрыторыі былой гуты размяшчаецца сядзіба сям'і Хмара. Незвычайныя знаходкі спадар Віктар выяўляе ў бацькоўскім агародзе. На яго думку, у мінулым там мог быць сметнік, куды гутнікі скідалі непатрэбнае шкло і кераміку. Нетрэбнымі яны маглі быць 200 гадоў таму. Сёння ўсе гэтыя прадметы маюць вялізную каштоўнасць, улічваючы факт, што ў Беларусі не захавалася вырабаў налібацкіх майстроў.

Пушчанскія рабінзоны: з Ключнікам у фальварак Крычаты

Сёння запрашаем у падарожжа па забытых пушчанскіх дарогах. Мы наведаем былы фальварак Крычаты альбо, як цяпер прынята называць мясцовасць, Крачаты. 300 гадоў таму гэты кавалачак Налібацкага краю лічыўся элітарным. Радзівілы арандавалі Крычаты нямецкім майстрам, якія працавалі ў Налібацкай шкляной мануфактуры і Шліфавальні каштоўных камянёў у Янкавічах. А як Крычаты выглядаюць сёння?

Бегам па пушчы - Несцеравічы

Вёска Несцеравічы знаходзіцца на шляху з Івянца на возера Кромань. Каб дабрацца туды з Налібак, трэба ехаць у заходнім напрамку па Навагрудскай вуліцы. Сёння мы мяняем напрамак і бяжым кросам з Несцеравіч у Налібакі.

90 налібацкіх гутнікаў. Знайдзі свайго продка!

Дзякуючы архіўным дакументам удалося рэканструяваць спіс працаўнікоў шкляной гуты князёў Радзівілаў у Налібаках. Прадстаўляем вашай увазе спіс, у які трапіла 90 прозвішчаў. Большасць з іх дагэтуль распаўсюджаныя ў Налібацкім краі. Шукайце сваіх продкаў.

Кім быў кс. Хвецька, пахаваны ля хатаўскога касцёла

Побач з касцёлам у Хатаве стаіць помнік былому пробашчу мясцовай парафіі ксяндзу Люцыяну Хвецьку. Старажылы хатаўскіх ваколіц памятаюць гэтага святара і яго трагічную смерць 70 гадоў таму. Для хатаўчан кс. Хвецька быў іх душпастырам цягам пяці гадоў. А ў гісторыі нашай краіны ён застаўся адным з пачынальнікаў беларускага каталіцкага руха.